Më 6 maj Mbreti Charles III do të kurorëzohet në një ceremoni madhështore. Pas ceremonisë do të mbahet edhe një koncert madhështor, sigurisht me emrat më të njohur të muzikës.
Koncerti është planifikuar të mbahet më 7 maj, një ditë pas kurorëzimit të Mbretit Charles III në Westminster Abbey.
Bëhet me dije se vetë Mbreti ka kërkuar veçanërisht dy emra për të performuar në këtë koncert. Ata janë Adele dhe Ed Sheeran.
Mirëpo thuhet se artistët e njohur britanik nuk do të marrin pjesë pavarësisht ftesës, për shkak se janë shumë të zënë.
Sipas Daily Mail, Mbreti Charles ishte shumë entuziastë që Adele dhe Sheeran të këndonin më 7 maj.
“Mbreti ka sugjeruar një numër njerëzish që do të donte të performonte dhe Adele dhe Ed ishin në atë listë,” tha një burim i përfshirë në planifikimin e ngjarjes. “Ai ishte shumë i etur që ata të ishin pjesë e koncertit.”
74-vjeçari caktoi një ekip të tërë për të bindur dyshen të këndonin atë ditë, por pavarësisht përpjekjeve të Mbretit, Adele dhe Sheeran, të dy këngëtarët britanikë, thanë se nuk ishin në dispozicion për të performuar.
Ed Sheeran ka një shfaqje të planifikuar në Teksas më 6 maj, por ndryshe nga kjo herë ai më parë ka bërë shfaqje të dyfishta duke transportuar me avionin e tij privat.
Sa i përket Adele, angazhimi i saj i fundit në kalendarin publik para koncertit të Coronation është 25 marsi në Las Vegas.
Raportohet gjithashtu se Mbreti dëshiron të shohë Harry Styles, Lionel Richie dhe Spice Girls të këndojnë në ngjarjen e tij speciale. Asnjë prej tyre nuk ka konfirmuar se do të performojë në Kurorëzimin e Mbretit Charles III.
