Në fillim u përfolën për një romancë, më pas për një krisje, dhe në fund për ‘konflikt’ mes tyre, marrëdhënia e Semi Jaupajt me Ron Zaitin ka pasur gjithnjë pikëpyetje, të cilat ky i fundit ka vendosur t’i sqarojë një herë e mirë.
Për të nisur me bashkëpunimin e tyre, “All You Lovin’”, pak kohë më parë Semi ka deklaruar se kënga është fshirë nga platforma YouTube nga Roni. Duke sqaruar të vërtetën e deklaratës së Semit, Roni ka zbuluar se në fakt ‘fajtore’ për fshirjen e këngës është Dafina Zeqiri, me të cilën Roni tha se nuk bashkëpunon më.
“Se kam fshirë unë këngën, ajo është interpretuar keq prej Semit. Unë kam qenë pjesë e labelit të “Moneyz Music” që nuk jam më pjesë e tij. Tani jam vetë. Shkak i heqjes së të gjitha këngëve nga të gjitha rrjetet sociale ka qenë shtëpia muzikore për shkak se nuk jam më i kontraktuar prej tyre, nuk marr më pjesë në shtëpinë muzikore. Arsyen se di. Por vendimi ka qenë i drejtueses së shtëpisë muzikore, Dafina Zeqirit,e cila ka vendos me i heq të gjitha këngët prej youtube dhe ashtu ka ndodh. Nuk janë hequr nga unë se nuk kam pasur akses. Ka qenë pronë shtëpisë muzikore”- tha Rono teksa ishte i ftuar në “Glamour Zone.”
E përfolu ka qenë edhe marrëdhënia e tyre, sidomos pas bashkëpunimit të tyre. Dyshja nuk e kanë pranuar kurrë se kanë qenë në një romancë, ashtu siç as nuk e kanë mohuar. Çfarë ka për të thënë Roni rreth kësaj?
“Nuk dua të jap detaje, në media është interpretuar ashtu si është interpetuar, po e lëmë ashtu. Nuk po ndërroj asgjë”- tha këngëtari.
