Teksa ditën e sotme, pas surprizës së mbrëmshme për Shën Valentin, prisnim të shikonim momente romantike midis Kiarës dhe Luizit, e kundërta ka ndodhur.
Çiftin duket se “i zuri syri” pasi kanë debatuar disa herë me njëri-tjetrin. Së fundmi madje, këngëtari i ka marrë edhe varsen që më herët ia dhuroi Kiarës, të cilën kishte 13 vite që nuk e hiqte nga qafa.
Ky veprim e mërziti pa masë moderatoren e cila iu drejtua Luizit duke i thënë që nuk i mban premtimet.
“Të duhet ty varësja? Për skemat që do të bësh në vazhdimësi? Më the do ta lë derisa të dalësh nga këtu, kur të dalësh do ta kthej. Ti nuk i mban premtimet ndonjëherë. Ndonjëherë i mban sepse the do të bëj një surprizë që do të lë pa fjalë dhe më le pa fjalë. Kjo e fundit nuk më pëlqeu si lëvizje në kuadër të lojës”,-iu drejtua Kiara Luizit.
Nga ana tjetër, do e keni humbur numërimin e fjalës ‘Të dua’ mbrëmjen e djeshme në Big Brother VIP Albania. Moderatorja Kiara Tito mori suprizën e ëndrrave e sytë e saj ishin me lot. Luiz Ejlli, ose ‘Lui’ siç e quan me përkëdheli moderatorja, i këndoi këngën e bërë posaçërisht për të.
Kishte gjithë javën që Luizi u bënte të ditur banorëve edhe vetë Kiarës, se surpriza që ai kishte përgatitur ishte më e madhja që është bërë më parë në Big Brother! DHE IA DOLI.
