Efi dhe Luizi janë të distancuar nga pjesa tjetër e shtëpisë si “shpërblim” për fitoren e tyre në “The Voice of Big Brother”. Edhe në një situatë të tillë kur nuk ka asnjë kontakt të paktën deri të martën me banorët e tjerë të shtëpisë, Luizi është kryeqendra e bisedimeve të tyre.
Një tregues i rëndësishëm ky, i cili vërteton atë që dimë tashmë që ai është një ndër lojtarët më të fortë brenda shtëpisë. Për t’u rikthyer tek bisedat e banorëve së fundmi Armaldo Kllogjeri ose siç thërritet gjerësisht Maestro, ka “zbuluar” strategjinë që Luizi po përdor në lojë.
“Ai e ka kështu. Flet me Tean, dy fjalitë e para, tek e treta ngacmon Oltën, fjalinë e katërt përfshin një tjetër. Pastaj i fut të gjithë me një thes. Pastaj i shan të gjithë. Këtë strategji ka ai,”-është shprehur Maestro.
View this post on Instagram
Sakaq kujtojmë që Efi dhe Luizi do të duhet të kujdesen për një foshnje (kukull), duke mos patur asnjë komunikim me pjesën tjetër të banorëve të shtëpisë.
Çdo mënyrë kontakti me banorët, do t’i penalizojë Luizin dhe Efin duke zbritur 2000€ nga çmimi i madh. Megjithatë, deri të martën ata do të kenë imunitet në shtëpi dhe s’mund të nominohen nga të tjerët.
