‘Sessions #53’ e Bizarrap dhe Shakirës është kthyer në një hit muzikor, duke numëruar miliona klikime në pak ditë. Kjo këngë qartazi ishte një “dedikim” për ish-partnerin e saj Gerard Pique-n dhe rreshtat e këngës nuk të lënë të gabosh në këtë konstatim.
Megjithatë, kënga këtë herë nuk ka në fokus vetëm babain e fëmijëve të saj, por ka edhe një mesazh tjetër për partneren aktuale të ish-lojtarit së Barcelonës, Clara Chia-n.
“Ajo ka emrin e një njeriu të mirë, qartë ( në spanisht Clara) nuk është ashtu siç tingëllon”, thotë Shakira në një fragment të këngës.
Sa duket kjo këngë e vendos në siklet Clara-n sa herë e dëgjon në publik. Fansat e këngëtares kolumbiane janë të pamëshirshëm gjithashtu duke ia kënduar këngën sa herë e shohin partneren aktuale të ish-futbollistit.
Sipas disa gazetareve spanjolle, Clara Chia mundohet të reagojë normal përballë kësaj situate, ndonëse nuk është gjithmonë e lehtë.
Dhe disa njerëz rreth saj sigurojnë se ka pasur disa situata “të pakëndshme” dhe se ajo nuk po e përjeton mirë famën në publik.
Rikujtojmë se në qershor të vitit të kaluar, Shakira dhe Pique konfirmuan ndarjen e tyre pas 12 vjetësh dhe shkak i kësaj ndarje ishte tradhtia e futbollistit ndaj këngëtares, me modelen 23-vjeçare Clara Chia Marti.