Mbreti Charles III, do të kurorëzohet në detyrën e tij me një ceremoni madhështore në maj. Mirëpo duket se me këtë ngjarje monarku aktual i Britanisë së Madhe do të sjellë një frymë të re në traditat e vjetra mbretërore.
Bëhet me dije se Charles III, po e kundërshton traditën dhe do të refuzojë të vishet me veshjet tradicionale mbretërore të monarkut ndër shekuj.
Charles ka zgjedhur të refuzojë ta veshë atë, në vend të kësaj preferon një veshje ushtarake për ngjarjen historike.
Me këtë vendim, mbreti Charles III nuk do të mbajë çorape dhe pantallona, me arsyetimin e tij se ato duken shumë të vjetruara.
Uniforma e tij ushtarake do të jetë një rikthim i asaj të veshur nga gjyshi i tij, i cili gjithashtu shihej rregullisht me veshjen e tij ushtarake dhe jo me veshjen mbretërore.
Megjithatë, ky nuk është vendimi më i madh me të cilin do të përballet Mbreti i ri përpara kurorëzimit të tij. Princ Harry nuk pritet që të jetë i mirëpritur apo i ftuar në kurorëzimin në maj, megjithëse vendimi përfundimtar do t’i vijë vetë Charles III.
Kujtojmë që ky vendim vjen pas deklaratave të bujshme që ka bërë Harry për familjen mbretërore, fillimisht në dokumentarin e tij dhe më pas në librin e tij “Spare”.