“Inteligjente si Beatrix, besnike si Donaldi, e sinqertë si Monika dhe e drejtpërdrejtë si Arjola.” Këto “cilësi” duhet të plotësonte patjetër dikur femra ideale për Luiz Ejllin.
Gjatë një bisede me Bjordin ditën e sotme, këngëtari “thumboi” kështu disa nga ish-banorët e “Big Brother Vip” të edicionit të parë. E para që ka reagar nga personazhet e përmendura është Beatrix Ramosaj.
Këngëtarja ka ndarë si fillim një status Twitter-i i cili flet për bullizmin që dikur postoi në mbështetje të Luizit.
Pas kësaj Trixa ka postuar edhe një story ku shkruan:
Faleminderit Luiz, e thënë prej teje e vlerësoj shumë. Edhe unë dua dikë që nuk gënjen dhe të sinqertë si ti.” Krahas kësaj përgjigjeje Ramosaj ka vendosur edhe hashtagun e bërë viral tashmë “me Luizin”.
Nga ana tjetër më herët gjatë ditës së sotme në një bisedë me Bjordin në “Big Brother Vip”, këngëtari Luiz Ejlli ka folur edhe për humbjen e të atit dy vite më parë.
Luizi tregoi se e ka humbur të atin në natën e Krishtlindjeve, madje kishte folur në telefon me të disa orë para se të merrte lajmin e trishtë.
“Para dy viteve, natën e Krishtlindjeve. Natën që hyra këtu ishte dy-vjetori. Shyqyr që iku pa vuajtje. Ishim shumë të lidhur. Atë natë më ka marrë 4 orë para për të më uruar Krishtlindjet”– tha Luizi.
Më tej Luizi tregon se si ka ndërruar jetë babai i tij, teksa rrëfen që e vetmja gjë që i mbetet merak është fakti se nuk ka qenë aty pranë tij në momentet e fundit.
