Lëkundje të forta tërmeti u regjistruan mbrëmjen e kaluar në Shqipëri, ndërkohë që shqiptarët janë ende të tronditur dhe me trauma nga tërmeti shkatërrues i 26 Nëntorit.
Frika e tyre ishte se do të përsëriteshin lëkundje po aq të forta, ndaj një pjesë e mirë e qytetarëve u larguan nga shtëpitë e tyre dhe dolën në rrugë për të qenë të sigurt.
Gjatë lëkundjeve, emisioni sportiv në “Ora News” ishte në transmetim, ndërsa personat në studio të panikosur kanë tentuar të largohen ndërsa kamerat filmonin gjithçka live.
Për më tepër, shikoni videon e tyre:
View this post on Instagram
Sipas raportimeve, lëkundjet u ndjenë në disa qytete si Tirana, Pogradeci, Lezha dhe Durrësi.
Lëkundje tërmeti janë regjistruar edhe më 13 janar në Shqipëri. Sipas Sipas Institutit të Gjeoshkencave IGJEUM, magnituda e tërmetit ishte 2.9 e shkallës Rihter. Lëkundjet u regjistruan në thellësinë 11.8 km me epiqendër qytetin e Klosit.
Kujtojmë se rrjeti Sizmologjik i Shqipërisë, regjistroi për muajin nëntor të vitit 2020 në vendin tonë sizmitetin të nivelit më të lartin që prej tërmetit të 15 prillit 1979 (M6.9). Rritja më e madhe e aktivitetit sizmik u regjistrua në perëndim të Shqipërisë e shprehur me tërmetin e Durrësit me magnitudë 6.3, më 26 nëntor, në orën 03:56 me orën lokale që është dhe tërmeti më i fortë i 40 viteve te fundit. Nga ky termet humbën jetën 51 persona. Përkatësisht në Durrës 25 viktima, Thumanë 24 viktima, Lezhë 1 viktimë dhe Tiranë 1 viktimë.
Në qarkun e qytetit të Durrës 47 persona u nxorën nga rrënojat që shpëtuan jetën. Numri i të plagosurve arriti rreth 2000 vetë. Më shume se 12 mijë njerëz ngelën pa strehë.
