Teksa shumë njerëz janë lidhur me historinë e saj dhe Luizit, në mediat sociale prej ditësh qarkullon lajmi se Kiara Tito ka një lidhje jashtë “Big Brother VIP”.
Vetë moderatorja ka deklaruar se është beqare dhe nuk e ka përjashtuar se mund të nis një lidhje në reality-show. Por, ishte gazetarja Desara Karaiskaj ajo që para disa ditësh deklaroi se “Kiara e ka mendjen tek ai që ka përjashtë”, duke ngritur dyshime se është në lidhje.
Por kush është i dashuri i Kiara Titos? ‘TiranaWeb’ raporton se bëhet fjalë për Roni Kokën (Renald Koka), djalin e biznesmenit Leonard (Nari) Koka. Roni më parë ka punuar në Kabinetin e Kryeministrit Edi Rama.
Po, e njëjta media shkruan se çifti ka një lidhje në harmoni të plotë dhe serioze, edhe pse i kanë shmangur postimet publike së bashku.
Kujtojmë se brenda në shtëpi këngëtari Luiz Ejlli ka shprehur hapur pëlqimin e tij për Kiara Titon. Luizi nuk iu nda as një sekond Kiarës që pas lëndimit të saj dhe rikthimit nga spitali. Ai u kujdes për moderatoren gjatë gjithë kohës, por me sa duket kjo gjë nuk i ka bërë shumë “përshtypje” Kiarës, ose nuk ka ndikuar në marrëdhënien e saj me Luizin.
Në një bisedë me Armaldon gjatë ditës së sotme, Kiara u shpres se e falënderon Luizin për kujdesin, por nuk ka ndërmend ta falë.
“Duhet shumë kohë që të më japë besimin prapë. Ai s’na ka vrarë as s’na ka prerë. E falendëroj shumë që u kujdes, ia thashë që unë nuk e fal. Edhe nëse do ta falja nuk do të kisha më besim”– tha moderatorja
