Nëse mendoni se fjala e juve që po mbështesni Luizin nuk ka mbërritur deri tek ai, jeni gabim. Këngëtari është në dijeni që ka shumë nga ata që e besojnë dhe i qëndrojnë pas dhe kjo gjë e ka bërë të ndihet ndryshe.
Në një bisedë me Tea Trifonin Luizi ka treguar për turmën e njerëzve që u mblodhën para spitalit ku u dërgua të bënte analizat.
Ai tregoi edhe për fjalët që i kishin brohoritur mbështetësit e tij që të qëndrojë i fortë. Këngëtari nuk e kurseu as një batutë gjatë fjalës së tij duke thënë se u ndje si Cristiano Ronaldo për një moment.
“Kishin shkuar përpara tek “Shefqet Ndroqi”. Donin të futeshin brenda në spital. “O Luiz jemi me ty, vazhdo rri i fortë…” Unë ngela, u mpiva krejt. M’u duk vetja si Cristiano Ronaldo.”
Kujtojmë që të martën mbrëma teksa mbërriti në spital për të kryer analizat, Luizi u prit nga një grup fansash të cilët kanë kuptuar që ai po dilte nga shtëpia e Big Brother Vip pasi çdo gjë u bë në transmetim Live.
Ata dëgjoheshin teksa thërrisnin me zë të lartë:“Forca Luiz të duam”.
Produksioni i “Big Brother Vip” atë natë bëri diçka që shumë do e ëndërronin. Nxorri rezultatet e analizave të një sëmundje të rrallë për më pak se dy orë.
Luiz Ejlli pasi rrëfeu se vuante nga një sëmundje e rrallë, produksioni i “mëshirshëm” i dha mundësinë të kryente të gjitha ekzaminimet gjatë “prime-it”. Ai u kthye në shtëpi si “gënjeshtar” me banorët të cilët i dolën krejt kundër dhe produksioni i “BBV” si gjithmonë ia doli me të tijën.
