Lugati ose Gjon Karrica ka marrë një vëmendje të madhe së fundmi. Sonte, gjatë BBV Kosova, ai ka marrë një surprizë të bukur.
Në program, artisti mori një letër nga bashkëshortja e tij dhe u emocionua pa masë. Jo vetëm kaq pasi surpriza nuk mbaroi këtu.
Lugati doli më pas në oborr ku pa gruan e tij së bashku me djalin. Ai u emocionua akoma edhe më shumë kur mori vesh se së shpejti do të bëhet baba, pasi bashkëshortja e tij është shtatzënë.
Gjoni u shfaq mjaft i lumtur për këtë surprizë që mori.
Më herët, ai zbuloi se bashkëshortja e tij është me nevoja të veçanta dhe për momentin ndodhet një kujdestare pranë saj që kujdeset për të.
“Gruan e kam me një kujdestare, sepse është me një hendikep. Kjo ka qenë sakrifica më e madhe për mua”, theksoi ai.
Pas rrëfimit të tij që ka bërë brenda shtëpisë së BBV Kosova, të tjera detaje prekëse kanë dalë lidhur me jetën private të artistit. Mësohet se Gjoni është i martuar dhe ka një djalë 5 vjeç së bashku.
Jo vetëm kaq por bashkëshortja e Gjonit ka humbur 90% të shikimit rreth 7 vite pas martese, shkruante Kryefjala.com. Shkak është bërë pikërisht një sëmundje e trashëguar.
Gjithsesi, Lugati ka folur gjithnjë me shumë dashuri për gruan e tij. Artisti i njohur është mjaft aktiv edhe në diskutimet në shtëpinë e Big Brother VIP Kosova si dhe në lojërat që krijohen nga banorët.
