Para nisjes së “Big Brother Vip” në rrjet qarkulloi lajmi se opinionistët zyrtarë të reality-shoë-t do të mbeten të njejtët se sezonit të kaluar, pra Balina Bodinaku dhe Arbër Hajdari. Ky i fundit u prezantua dhe u konfirmua zyrtarisht si opnionist t “Big Brother Vip Albania” në spektaklin e së shtunës. Mirëpo opinionistja Balina Bodinaku nuk është më pjesë e “Big Brother Vip” dhe në vendin e saj është gazetarja dhe blogerja Zhaklin Lekatari.
Së fundmi është zbuluar edhe arsyeja pse Balina Bodinaku nuk është më opinioniste e edicionit të dytë të “Big Brother Vip Albania.”
Burime pranë “Noa.al” kanë zbuluar se prej disa ditësh Balina ndodhet e shtruar në gjendje të rëndë dhe është ende duke u rikuperuar nga një pneumoni serioze.
E pyetur disa kohë më parë nëse do të jetë sërish opinioniste e “Big Brother VIP 2”, Balina u përgjigj se nuk ka ende asgjë, por nuk e përjashtoi mundësinë.
“Mund të kenë filluar bisedat për sezonin e dytë, por ende nuk kemi asgjë”- u shpreh Balina duke mos dhënë më shumë detaje.
Kohët e fundit Balina Bodinaku mori vëmendje edhe me mungesën e saj në dasmën e Arbër Hajdarit, ku ishin të ftuar një pjesë e mirë e stafit të “Big Brother Vip.” Gjatë një interviste në “Goca dhe Gra” moderatorja Fatma Haxhialiu e pyeti Balinën se përse nuk ishte e pranishme në dasmën e opinionistit tjetër të programit dhe ajo u përgjigj shkurt duke thënë se për këtë, “duhet të pyesni Arbrin”
Kështu ajo la të kuptohej se marrëdhëniet e tyre nuk janë të mirë, të paktën aq sa Arbri ta ftonte në dasmë.
