Sonte po mbahet nata finale e “Fest 61”. Pak më parë, u dha edhe një çmim.
Këngëtarja simpatike Erma Mici u shpall fituese e “Artisti më i mirë debutues”. Kënga e saj titullohet “Kozmosi i Dashurisë”.
Artistja u shpreh mjaft e emocionuar dhe ndër të tjera, falënderoi familjen e saj.
“Një emocion i paparë, shumë falënderuese ndaj familjes time që më kanë mbështetur gjithmonë”, tha ajo.
Më herët, gjatë një intervistë, prezantuesja e njohur Arbana Osmani tha se Festivali Kombëtar është më i madh se Eurosongu. Më tej, ajo theksoi se “Festivali i Këngës” është i vetmi festival që ka një orkestër të jashtëzakonshme dhe çdo tingull është live.
“Festivali Kombëtar është më i madh se Eurosongu, vlerat e këtij festivali janë shumë më lartë se një festival po ashtu shumë i mirë si ai Europian. Por ne duhet të ruajmë vlerat që lartëson ky festival dhe t’i kthejmë shkëlqimin që ka pasur ndër vite, pasi po se bëmë ne nuk mund ta ruaj askush tjetër. Është i vetmi festival që ka një orkestër të jashtëzakonshme dhe çdo tingull është live. Ndërkohë që në Eurosong muzika është playback”, tha më herët Arbana Osmani gjatë një interviste të dhënë pak kohë më pare.
