Didier Deschamps ka konfirmuar se Kingsley Coman është lojtari i tretë francez që vuan nga “virusi i devesë” në kombëtaren franceze. Para tij edhe Adrien Rabiot dhe Dayot Upamecano janë prekur nga i njëjti virus.
Rabiot dhe Upamecano, të cilët kanë luajtur rregullisht në formacionin e Deschamps deri në gjysmëfinale, u detyruan të qëndronin jashtë fushës së gjelbërt mbrëmjen e djeshme kundër Marokut pasi u sëmurën me simptoma të ngjashme me gripin.
Edhe Coman nuk luajti në fitoren gjysmëfinale të Francës kundër Marokut pasi u infektua me virusin e ‘devesë’.
Kombëtarja franceze është e shqetësuar për këtë virus dhe si rezultat ka vendosur që Rabiot të qëndrojë në një hotel të izoluar, me dëshirën për të mos humbur më lojtarë nga sëmundja.
“Coman gjithashtu kishte ethe këtë mëngjes”, zbuloi Deschamps gjatë ditës së sotme.
Ekspertët shëndetësorë nga e gjithë bota treguan se ky grip është një infeksion respirator i shkaktuar nga virusi i Sindromës së frymëmarrjes të Lindjes së Mesme (MERS).
Kujtojmë që Franca fitoi 2-0 ndaj Marokut falë golave të Theo Hernandez dhe Nadal Kolo Muani-t. Kombëtarja franceze do të ndeshet të dielën (18 dhjetor) me Argjentinën në finale e madhe të Kupës së Botës në Katar.
Të gjithë mezi po e presin duelin historik midis Messi-t dhe Mbappe-së.
