Pas rezultatit 2-0 në favor të Francës e cila luajti me Marokun në gjysmëfinalen e Kupës së Botës, pamë një solidaritet midis lojtarëve të skuadrave.
Madje edhe vetë Presidenti Macron vizitoi marokenët në dhomat e tyre të zhveshjes për t’i përgëzuar për lojën e bërë.
Mirëpo duket se jashtë fushës, tifozët kanë krijuar trazira. Bëhet me dije se pas rezultatit të ndeshjes në Montpellier turma me tifozë francez dhe maroken janë përplasur, ku në mesin e tyre një djalë i vogël është goditur nga makina.
Është bërë i mundur dërgimi i 14-vjeçarit në urgjencë, por sërish ka ndërruar jetë.
Automjeti është gjetur pranë vendit të ngjarjes dhe policia ka nisur hetimet. Policia është vënë në kërkim të drejtuesit të mjetit, i cili ka braktisur automjetin e tij pranë vendit të ngjarjes.
Edhe në kryetytetin francez ka pasur trazira, ndonëse organet përgjegjëse u kujdesën që ta monitorojnë situatën.
Më shumë se 100 tifozë janë arrestuar në Paris pas mbarimit të ndeshjes.
Kujtojmë që Franca fitoi 2-0 ndaj Marokut falë golave të Theo Hernandez dhe Nadal Kolo Muani-t. Kombëtarja franceze do të ndeshet të dielën (18 dhjetor) me Argjentinën në finale e madhe të Kupës së Botës në Katar.
Të gjithë mezi po e presin duelin historik midis Messi-t dhe Mbappe-së.
