Gjon Karrica ose siç njihet ndryshe si Lugati, ka marrë një vëmendje të madhe në BBV Kosova.
Së fundmi ai është vendosur përsëri në qendër të vëmendjes dhe e gjitha kjo për shkak të një shakaje që çifti Urim dhe Alisa iu bënë banorëve.
Alisa kërkoi vëmendjen e të gjithëve, për të bërë një lajmërim. Ajo u shpreh se është shtatzënë dhe menjëherë banorët nisën të bohorasin dhe shkuan shpejt për ta uruar. Mirëpo pas gjithë gëzimit dhe entuziazmit të banorëve, Alisa tha se e gjitha ishte një ‘prank’ (shaka).
Gjoni nuk e priti aspak mirë këtë gjë dhe menjëherë u shpreh i revoltuar me shakanë e çiftit.
“Është shaka me nivel 0.0 shije. Nuk bëhen shaka me vdekje dhe lindje. I urrej njerëzit që duan të bëjnë gjithçka për pak vëmendje”-tha mes të tjerash Gjoni, i cili sa i përket Alisës, u shpreh se i ka humbur respekti për të.
Më tej debati ka vijuar në dhomën e gjumit, sërish mes Gjonit, i cili kësaj here pati diskutim me partnerin e Alisës, Urimin. Ky i fundit i doli në mbrojtje partneres së tij dhe i tha Gjonit që të “mos flasë ashtu me të” sepse “nuk e njeh kur nervikoset.”
Në një tjetër diskutim në oborr Gjoni ka vijuar me reagimet e tij, madje në një moment tha se “do të ikë nga shtëpia.”
I gjithë ky reagim i Gjonit, nervozoi edhe Stresin. Konkretisht Stresi reagoi nga deklarata e Gjonit për “nivelet” e tyre. Sigurisht, Stresi nuk hezitoi të përgjigjet duke thënë përballë të gjithë banorëve se “Kush është Gjoni të më tregojë mua disnivelet”.
