Një video ekskluzive për iconstyle.al tregon qartazi se si dy konkurrentë të Për’Puthen janë konfliktuar fizikisht me njëri-tjetrin në Tiranë. Cilët janë ata?
Bëhet fjalë konkretisht për Albi Zhukën dhe Arbër Avdylin.
Ata janë parë së bashku në rrugë të cilët në fillim po konfliktoheshin me fjalë por më pas janë përplasur fizikisht. Njëri prej tyre godet tjetrin mirëpo nuk dihet arsyeja se përse ata janë përfshirë në një zënkë të tillë.
Për më tepër, ndiqni videon:
Nuk është hera e parë që konkurrentë të Për’Puthen konfliktohen me njëri-tjetrin. Gjithashtu, kujtojmë se edhe më parë, kanë qarkulluar skandale gjatë por edhe pas Për’Puthen.
Një ndër ngjarjet më të bujshme ishte lidhja e Teas me Beartin në Për’Puthen 2, ku më pas u zbulua edhe lidhja e Andit me Melisën.
Edhe pse u përfshinë në skandale, tashmë ciftet nuk ekzistojnë më dhe nuk i rezistuan dot lidhjeve.
Sa i takon programit Për’Puthen, tashmë në ekran dhe në moderim është rikthyer Bora Zemani pas ikjes së Ori Nebijajt. Vetë Bora tha më herët se ishte mjaft e emocionuar për rikthimin e saj.
“Isha aty mbrapa edhe realisht kam emocione sikur po nis një program tërësisht të ri. Nga një anë më duket sikur po kthehem në shtëpi, por nga ana tjetër ka studio të re, protagonistë të rinj, kemi shkesin këtë herë në studio”, tha moderatorja e njohur.
