Aktorja Lindsay Lohan i është nënshtruar një operacioni emergjent në gisht të dielën, pas një aksidenti të tmerrshëm që pësoi gjatë një shëtitje me varkë në bregdetin turk.
30-vjeçarja kishte tentuar të hiqte spirancën e anijes kur u mor nga litari dhe përfundoi në det, njofton TMZ.
Aktorja u përpoq të lironte veten nga litarët kur makineria e rëndë i preu gishtin e unazës në dorën e majtë. Aktorja njoftoi përmes rrjetit social për ngjarjen e tmerrshme që i kishte ndodhur dhe postoi foto të gishtit të saj të fashuar.
“Për pak humba gishtin. Epo në fakt e humba gjysmën e gishtit, por falënderoj Zotin që gjetëm pjesën e prerë të tij. Sapo bëra një ndërhyrje për ta rregulluar. Më dhemb kaq shumë”, shkruan Lohan në foto.
Ajo kishte shkuar në Turqi në një mision humanitar, për të takuar fëmijët e emigrantëve që kanë ardhur nga Siria.
Burimi: Daily Mail
*Shfleto galerinë
