Kim Kardashian është larguar nga Franca me një avion privat, pasi u grabit në një apartament në Paris të hënën në mëngjes.
35-vjeçarja kishte bizhuteri me vlerë miliona dollarë në apartamentin e saj që u grabit nga pesë burra të armatosur të veshur si policë. Ata vodhën një kuti me bizhuteri që kushtonin 6.7 milionë $ dhe një unazë me vlerë 4,5 milion $. Një burim i brendshëm për “Daily Mail” ka thënë se vlera totale e rrëmbyer mund të shkojë në 16 milionë $.
Kim po ashtu ka humbur dy nga telefonat e saj të çmuar që përmbajë një pjesë të madhe të të dhënave personale. Familja e saj u vu nën mbrojtjen e policisë në pallatin George V pas incidentit. Kim sapo kishte mbërritur në apartament pas darkës që kishte ngrënë jashtë me miqtë e saj.
Incidenti vjen vetëm pesë ditë pasi Kim vlerësoi truprojen e saj personale Pascal Duvier si “më të mirin në qytet”, pasi ai e shpëtoi atë nga 27-vjeçari Vitalii Sediuk. Megjithatë, Pascal u fotografua me Kourtney Kardashian natën e së dielës, duke treguar se ai nuk ishte me Kim kur bastisja ndodhi rreth orës 2:00 të mëngjesit.
Të hënën në mëngjes, Kim hipi në një avion privat për t’u kthyer përsëri në SHBA, e shoqëruar nga asistentja e saj personale dhe truproja Pascal. Ajo kishte mbuluar kokën e saj me një shall të zi ndërsa kalonte nëpër pistën ku e priste avioni privat.
Burimi: Daily Mail
