“Iconstyle.al” raportoi pak kohë më parë ekskluzivisht se Alfio Rotani dhe Fatma Methasani i kanë dhënë fund marrëdhënies së tyre.
Nuk vonoi shumë dhe vetë Alfio doli me një deklaratë në Instagram ku konfirmoi atë që ne raportuam.
Mirëpo duket se kjo ndarje nuk ka qenë fare e papritur për to dhe dyshja po vazhdojnë normalisht jetën e tyre.
Ndërsa lajmi mbi ndarjen e tyre mori dhenë, Fatma shijoi disa ditë pushimi në Zvicër. Së fundmi, është kuzhinieri ai që është shkëputur për t’u qetësuar në Dubai.
Në llogarinë e tij në Instagram ai ka ndarë disa momente nga qëndrimi i tij atje, ku një video ndër to tërhoqi vëmendjen tonë. Alfio në këtë udhëtim shoqërohet edhe nga një bionde seksi.
Në videon e postuar ku duken duke bërë një zemër me duar, Rrotani e ka etiketuar vajzën në fjalë duke e quajtur “shoqe”. Bukuroshja nuk është shqiptare.
Kujtojmë që në postimin ku njoftoi ndarjen Alfio shkruante se e ndjente detyrim që ta sqaronte këtë gjë për ndjekësit dhe miqtë e tij, ndërsa pohoi se ai dhe Fatma i kishin dhënë fund martesës.
“Unë dhe Fatma nuk jemi më bashkë nga pothuajse një vit. Motivet janë shumë personale dhe individuale, nuk kanë të bëjnë me tradhti ose rrethana të tjera që qarkullojnë”- shkruante ai duke mos dhënë detaje rreth arsyes.
