Një ngjarje e rëndë ka tronditur vendin ditën e sotme.
Raportohet se një 11-vjeçare është abuzuar seksualisht nga një mik i të atit të saj, i cili ka shkuar në shtëpinë e tyre.
Ngjarja e rëndë ka ndodhur në kryeqytet, në një familje nga Saranda. Familja nga Saranda, që i përket komunitetit rom jetonte me qira në një nga zonat e Tiranës. Autori, Astrit Terolli është shoku i babait të viktimës 11-vjeçare. Mësohet se ai ka shkuar për vizitë në shtëpinë e mikut të tij dhe kur e ka gjetur vetëm 11-vjeçaren, dhe ka kryer abuzimin me dhunë ndaj saj.
Vajza e mitur më pas u ka treguar ngjarjen prindërve, të cilët kanë bërë denoncimin në polici. 55-vjeçari është arrestuar këtë të mërkurë, ndërkohë që ka nisur hetimi ndaj tij.
Iconstyle.al ka siguruar foton e 55-vjeçarit, Astrit Terolli, autori i përdhunimit të 11-vjeçares në Tiranë ditën e sotme.
Policia e Tiranës ka arrestuar 55-vjeçarin, pasi dyshohet se ka kryer marrëdhënie seksuale me dhunë me një shtetase të mitur.
“Specialistët për Hetimin e Krimeve të Komisariatit të Policisë Nr. 3 arrestuan në flagrancë shtetasin A. T., 55 vjeç, banues në Tiranë, pasi dyshohet se ka kryer marrëdhënie seksuale me dhunë me një shtetase të mitur”, thuhet në njoftimin e policisë.
