Ikja e të rinjve ka qenë pjesë e diskutimit në “Goca e Gra”. Dy studente ndodheshin përballë zv.ministrit të Ekonomisë, Besart Kadia.
Gjatë diskutimit, vajzat shprehën pakënaqësi për deklaratën e Ramës, i cili ka thënë se studentëve do t’u mbahen diplomat pas kryerjes së studimeve.
Ato thanë se studentët janë jashtë mase të revoltuar për deklaratën e kryeministrit dhe se kostot e shpenzimeve po ua heqin familja e jo me ndihmën e shtetit.
Jo vetëm kaq por studentet theksuan se e gjithë kjo deklaratë do të thotë ‘shkatërrim planesh’.
“Sa i përket deklaratës së Kryeministrit për ti mbajtur diplomat tre vite, studentët janë revoltuar shumë se kostot i kanë hequr vetë me ndihmën e familjes dhe jo të shtetit. Këto janë tre vite minus, janë shkatërrim planesh, por ne mund të ikim jashtë ato tre vite të punojmë një punë tjetër dhe jo në profesion derisa të mund të marrim diplomen. Këto janë para që studentët ia kërkojnë familjes, se edhe mund të punojmë por me atë pagë nuk ia dalim për shpenzime, madje as për të ngrënë bukë.”– vijuan studentet.
Kujtojmë se cdo ditë e më shumë, studentët duan të largohen nga Shqipëria pasi vendi nuk po u jep mundësi apo alternativa të shumta lidhur me karrierën e tyre.
