Dy konkurrentët e “Dance Albania”, Adelina Tahiri dhe Meridian Ramçaj ishin të ftuar së fundmi në një intervistë ku kanë rrëfyer gjithçka rreth eksperiencës së tyre.
“Eskperienca në “Dance Albania” është e vështirë. Vështirësitë fillojnë nga gjuha. Balerini im është shumë i zënë me punë dhe është vetëm 4 ditë të javës në Shqipëri, kam shumë pak kohë në krahasim me të tjerët. I kam thënë, “ti i njeh mafiozët shqiptarë?! Ta gris pasaportën (qesh)”- tha Adelina Tahiri.
Dyshja treguan se kanë krijuar edhe miqësi në program, ndërsa Meridiani zbuloi edhe një detaj rreth bashkëshortit të këngëtares.
“Me Adelinën kur kemi krijuar miqësi në emision. Nuk i vëmë re kafet, por kur ulemi diku, kamarieri thotë gjithmonë se i ka paguar ai zotëria atje, bashkëshorti i Adelinës. Dhe ai gjithmonë na vë në siklet”- tha ai.
Çfarë mendimi kanë për komentet e jurisë?
Adelina: Ne kemi shkuar për të kërcyer, por kur juria na krahasojnë me ato balerinët profesionistë, aty është “Ҫfarë të të them”. Nuk është normale, mua më duket e paarritshme të jem në një linjë me balerinët
Meridian: Nuk është shumë e lehtë sepse ti jep një mund shumë të madh dhe përkushtohesh shumë dhe në momentin kur, qoftë edhe kritika me vend dhe kanë të drejtë, unë nuk është se e përjetoj aq mirë dhe mundohem ta përmirësoj veten. Por në momentin kur është e padrejtë më dhemb. Më e bukura është kur profesionistët dalin mbi amatorin me pikë. Nëse një profesionist ty të vlerëson me 5 pikë, dikush që nuk e ka sensing e të kërcyerit, apo vetë nuk kërcen dot del poshtë atyre që janë profesionistë. E kam fjalën për profesor Ermalin.
