Moderatori i “Big Brother Vip Kosova” ka zbuluar së fundmi disa detaje nga spektakli i shumëpritur
Ai foli për tekat e VIP-ave dhe bashkëprezantuesen e tij Jonida Vokshin.
Alaudini shprehu se ka pasur shumë kërkesa nga konkurrentët që do të marrin pjesë në “Big Brother Vip Kosova”, mes të cilave veçon:
“Kemi patur pyetje të shumta të cilat ende vazhdojnë në këtë moment kur po e bëjmë këtë intervistë. Kërkesa të çuditshme nuk e di nëse mund të quhen, por kanë kërkuar të ketë piano në shtëpi, xhakuzi dhe palestër ndër të tjera”
Alaudin Hamiti ka rrëfyer se ajo çfarë dëshiron është që spektakli të përcjellë pozitivitet, rrëfime motivuese… ‘’por natyrisht edhe pak dramë nuk do t’i bënte keq’’ – ka shtuar moderatori.
Sa i përket bashkëprezantueses së tij, Jonida Vokshit, Aludini u shpreh se ka pasur edhe eksperienca të tjera televizive me të, dhe kanë pasur shumë kimi bashkë.
“Me Jonidën njihemi qysh moti, kemi patur disa eksperienca televizive së bashku dhe kimia nuk ka munguar, andaj si bashkëprezantuese nga Shqipëria Jonida ka qenë padiskutim zgjedhja e secilit prej nesh në bord”– tregoi moderatori.
Sa i përket datës së nisjes, që është ndryshuar tashmë më shumë se një herë që kur u lajmërua si projekt, moderatori nuk ka folur ende.
