Aurela Gaçe është një këngëtare kaq shumë e dashur për publikun. Së fundmi, ajo ka postuar një video mjaft emocionuese në profilin e saj në “Instagram”. Këngëtarja ka treguar se si një djalë i ka propozuar partneres teksa Aurela po performonte në koncertin e saj.
“Ajo tha ‘po’. Cfarë emocioni të shohësh njerëz që duhen, që shtrëngojnë njëri-tjetrin fort në kraharor. Ky ishte një propozim live për martesë. Faleminderit që e ndatë me ne këtë emocion të pastër. U plakshit bashkë”, shkruan Aurela përkrah videos.
Aurela Gaçe apo siç e thërrasin ndryshe, diva e muzikës shqiptare, është një artiste shumë e dashur për publikun.
Aurela ka qene pjesë e një interviste për “21 Media”, ku ka folur për klipin e saj të fundit dhe klikimet e marra. Por si duket Aurela nuk i ka kursyer ca “thumba” për kolegët e saj.
“Pritet shumë mirë. Nuk i kam ato klikimet sepse nuk kam lekë që t’i hedh për të blerë ato klikime. Apo s’duhet ta thoja këtë? Lekët i hedh në performancë, në punë. Nuk kam nevojë ti mbush mendjen askujt nëse jam e suksesshme ose jo sepse shumë mirë kudo që shkoj publiku më pret shumë mirë”, u shpreh Aurela.
Kujtojmë se këngëtarja pak kohë më parë dha një mendim për performancën e brezit të ri. Aurela tha se ajo bën pompa teksa këndon ndërkohë sot është një brez që di vetëm të kërcejë ‘twerk’ në skenë.
