Këngëtarja Filloreta Raçi (Fifi) dhe partneri i saj Adis Patushi janë përfolur gjatë në mediat rozë që pasi dolën publikisht si çift.
Së fundmi këngëtarja ka fshirë çdo postim në rrjetin social Instagram, përfshirë edhe fotot me partnerin e saj, Adis Patushin. Mirëpo, Fifi ka lënë vetëm postimin e ndarë mbrëmjen e djeshme, krahas së cilit shkruhet thjesht, “Vëmendje” dhe data 1 nëntor e këtij viti. Në dukje ky është një projekt i ri i këngëtares, e cila me sa duket ka mbështetjen e plotë të Adisit. Ky i fundit nuk i ka kursyer postimet në profilin e tij, për projektin e Fifit.
=
View this post on Instagram
Që në fillim të lidhjes çifti nuk është kujdesur t’i fshihet syve kureshtarë, duke shfaqur haptazi dashurinë e tyre. Adisi e shoqëron Fifin edhe në koncertet e saj, ku shpesh marrin vëmendje me veprimet romantike. Kujtojmë se këngëtarja e zyrtarizoi lidhjen e saj me ish-bashkëshortin e modeles së njohur Adriola Dushit, gjatë një koncerti të sajin. Fifi u puth me Adisin para të gjithë publikut dhe videoja e tyre qarkulloi kudo në rrjet.
Disa kohë më parë qarkulloi edhe lajmi se Fifi dhe Adisi janë në pritje të fëmijës së parë, por më pas gjithçka u mohua.
Muaj më parë postimet e tyre ku etiketonin njëri-tjetrin si “mami dhe babi”, bënë xhiron e rrjetit dhe nxitën dyshimet se çifti po presin një fëmijë.
Ky do të ishte fëmija i parë për Fifin dhe i dyti për Adisin. Ky i fundit ka një djalë, Troin, me modelen Adrola Dushi, me të cilën ka qenë i martuar. Adisi poston shpesh në rrjetet sociale me Troin, ku në atë të fundi mori vëmendje komenti i Fifit. Këngëtarja komentoi disa zemra në postimin e Adisit me djalin e tij, duke treguar kështu mbështetjen e saj dhe raportin që ka me djalin e partnerit të saj.
