Modelja Emily Ratajkowski ka thyer heshtjen për jetën e saj private në një intervistë të re, të zhvilluar së fundmi. 31-vjeçarja foli për jetën pas ndarjes nga bashkëshorti, Sebastian Bear-McClard, zbuloi tipin e saj, dhe rrëfeu njohjet e reja.
Fillimisht, kur u pyet për ndarjen e saj, Emily tha për Harper’s Bazaar: “Mund t’ju them se nuk kam qenë kurrë beqare”.
Ajo shtoi se nuk donte të fliste për gjendjen aktuale të martesës së saj për të mbrojtur privatësinë e djalit.
“I ndjej të gjitha emocionet. Ndjej zemërim, trishtim. Ndjej eksitim. Ndjej gëzim. Ndjej mendjelehtësi. Çdo ditë është e ndryshme. E vetmja gjë e mirë që di është se po i ndjej të gjitha ato gjëra, gjë që është mirë sepse më bën të besoj se do të jem mirë”- tha EmRata.
Ajo ka konfirmuar gjithashtu se është duke u takuar me dikë.
“Kam shkuar në takime,” shtoi ajo në intervistën e saj për “Harper’s Bazaar”, duke vënë në dukje se nuk është ende në aplikacionet e takimeve.
Ajo sqaroi gjithashtu se nuk ka një tip të caktuar dhe se “nuk ka qenë kurrë me dikë të famshëm apo të fuqishëm më parë”. Kur ajo u pyet për thashethemet se ishte duke u shoqëruar me Brad Pitt, revista vuri në dukje se “shprehja e saj është e palexueshme”.
Kujtojmë gjithashtu se modelja u fotografua rrugëve të New York duke u puthur me dikë. Mashkulli misterioz me të cilin u kap ‘mat’ EmRata u zbulua më pas se është DJ 35-vjeçar, Orazio Rispo.
Burime për DailyMail.com bënë me dije se ai ka punuar si DJ për dy dekada; ai gjithashtu zotëronte dhe drejtonte një dyqan rekord në Brooklyn, të quajtur Halcyon Record Shop, derisa u mbyll në vitin 2020 në mes të pandemisë COVID-19.
Modelja dukej më e lumtur se kurrë në takimin e saj romantik me DJ-n 35-vjeçar. Dyshja u pa duke qeshur me njëri-tjetrin, duke shkëmbyer puthje dhe duke ndarë një përqafim romantik teksa shëtisnin nëpër Manhattan, pasi shijuan një darkë jashtë (KLIKO).
