Tetori është muaji i Halloween-it dhe disa prej personazheve të famshëm kanë nisur që tani përgatitjet e para. Por në shtëpinë e Arbana Osmanit jo vetëm që kanë nisur përgatitjet por duket sikur gjithçka është gati.
Moderatorja ka ndarë në rrjetin social Instagram një foto, ku zbulon se ka nisur me dekorimin e kungujve, detaji i fundit e Halloween-it. “Do thoni ju si herët e keni filluar”, shkruan moderatorja në foton e parë e cila pasohet nga një tjetër foto e djalit të saj Jonit.
“Kam që në janar që dëgjoj: “Edhe sa do Halloween-i të vijë”- shkruan Arbana krahas fotos.
Kujtojmë se së fundmi është zbuluar edhe roli që do të ketë moderatorja në film. Faqja zyrtare e filmit ka publikuar një foto-album në Instagram, kur prezantojnë Arbanën zyrtarisht si pjesë e kastit të aktorëve.
“Prezantuesja televizive Arbana Osmani do të aktrojë si vetja në një paraqitje speciale në “Sofia” që do të shfaqet në të gjitha kinematë më 3 nëntor”– thuhet në mbishkrimin, ku zbulohet edhe data e premierës.
Ndërkohë kujtojmë se kur lajmëroi se do jetë pjesë e filmit, Arbana tha në një video: “[Eduardi] kishte filluar punën për filmin, kishte shkruar skenarin, po definonte gjithë gjërat e tij dhe vjen një ditë dhe më thotë: ‘Kam menduar që të luash edhe ti te filmi im’. Qesha. Thashë: ‘Unë? Po unë s’jam aktore. Ku di unë të luaj?!’.”
“Sofia” ka si fabul historinë e një vajze të re serbe që viziton Shqipërinë në kërkim të rrënjëve të një historie të vjetër për gjyshin e saj gjatë luftës. Ajo bie në dashuri me një djalë shqiptar, duke filluar një marrëdhënie “të pamundur” midis dy kombeve të ndarë nga lufta.
