Pas vitesh tensioni të përfolur mes Selena Gomez dhe Hailey Bieber , këngëtarja e “Who Says” dhe themeluesja e Rhode – e cila është e martuar me ish-in e Selenës, Justin Bieber – bënë namin në rrjetet sociale duke pozuar për foto së bashku në Gala e Muzeut të Akademisë 2022 në Los Angeles.
Së fundmi një burim tregoi për E! News pse Selena dhe Hailey vendosën të formojnë një front të bashkuar, pavarësisht gjithë dramës që rrethon jetën e tyre personale.
“Ato ishin në të njëjtin event dhe iu kërkua të bënin një foto së bashku”, ndan me E! News një burim pranë Selenës. “Ato ranë dakord dhe vendosën të pastrojnë thashethemet njëherë e përgjithmonë. Ato donin të tregonin se nuk ka vërtet urrejtje mes tyre dhe se ato të dyja janë në një vend të mirë. Ishte një moment dhe një mundësi për të lënë pas gjithë zhurmën dhe e shfrytëzuan.”
Fotoja erdhi vetëm disa javë pasi Hailey foli për urrejtjen që ajo merr në internet, veçanërisht në lidhje me afatin kohor të marrëdhënies së saj dhe Justin. (Hailey dhe Justin u martuan në shtator 2018 , vetëm disa muaj pasi ai u ribashkua dhe me sa duket u nda me Selenën për herë të fundit.)
“Shumë urrejtje vjen nga “Oh, ti vodhe [Justin]”, tha Hailey për kritikët e saj në episodin e 28 shtatorit të podcast -it Call Her Daddy . “Dhe unë mendoj se ndoshta kjo vjen vetëm nga fakti se ato do të dëshironin që ai të kishte përfunduar me dikë tjetër. Dhe kjo është mirë. Ju mund të dëshironi gjithçka që dëshironi, por nuk është kështu.”
Dhe pas përplasjes së fundit të Hailey dhe Selenës, është e qartë se ato po largohen nga çdo dramë.“Hailey dhe Selena patën një moment të mrekullueshëm së bashku të shtunën dhe ajo është e lumtur që mund të shuajnë çdo tension,” thotë një burim i afërt me Hailey dhe Justin për E! News. “Kjo është diçka që ka rënduar mbi supet e të gjithëve prej vitesh dhe Hailey ndihet e lehtësuar. Hailey dhe Selena padyshim nuk flasin rregullisht, por Hailey është e lehtësuar kur e di nëse ato e shohin njëra-tjetrën në evente, nuk do të ndihet stresuese apo e sikletshme. “Po si ndihet Justin për momentin historik të Hailey dhe Selenës? Burimi i dytë thotë se këngëtari i “Ghost” “është shumë i lumtur që Hailey dhe Selena mund të jenë të bashkë në publik dhe të lënë pas të kaluarën”.
