Harry Styles është kthyer në një “tabelë qitje” në koncertet e tij. Së fundmi këngëtari zhvilloi shfaqjen e tij të rradhës në United Center, Chicago. Mirëpo në këtë koncert atij iu “fluturua” një shishe nga publiku.
Ndërsa po fliste me fansat, siç bën në mënyrë rutinore gjatë gjithë koncerteve të tij, Harry është goditur me një shishe në zonën e tij intime. Momenti është xhiruar nga të pranishmit, duke u bërë viral më pas në rrjet.
Tanimë është bërë e zakonshme që artistët të jenë në shënjestër e këtyre incidenteve në shfaqjet e tyre, qoftë nga adhurimi apo mospëlqimi.
Pas incidentit, Styles tregoi menjëherë shenja shqetësimi, duke u përkulur përpara se të thoshte në mikrofon: “Tani kjo është për të ardhur keq”.
Në gusht, fansat në ndalesën e “Love On Tour” të Harry Styles në New York City i hodhën ushqim në skenë Harry-t.
Koncerti i Chicago-s ishte i fundit për momentin për këngëtarin dhe aktori, pasi do të marrë një javë pauzë përpara se të fillojë turneun e tij në Inglewood, Kaliforni, i cili i paraprin atij të Amerikës së Jugut dhe Evropës.
Më herët Harry Styles deklaroi se do të vazhdojë të qëndrojë privat në lidhje me jetën e tij personale.
“Unë kurrë nuk kam folur publikisht për jetën time larg punës.”
