Futbollisti Mauro Icardi dhe Wanda Nara janë gjatë gjithë kohës në qendër të vëmendjes. Së fundmi, futbollisti në një lidhje live në “Instagram”, ka thënë se Wanda po tallet në të gjithë botën si dhe ka komentuar sjelljet dhe veprimet e saj.
“Fatkeqësisht Wanda Nara ka vendosur t’i japë fund lidhjes. Por ne jemi ende të martuar. Unë e njoh atë më mirë se kushdo. E di se çfarë lloj personi është dhe e kam mbrojtur gjithmonë. Por ajo po tallet në të gjithë botën. Për shkak të sjelljes, qëndrimeve të saj, nuk jam i disponueshëm për të vazhduar me këtë”, theksoi ai.
“Le të shohim se çfarë na dikton e ardhmja. Le të shohim nëse do të mbetet kështu apo nëse mund të bëhet diçka për fëmijët. Ata e dinë se çfarë baba jam, si jam sjellë me ta, edhe pse nuk janë të mitë. Fëmijët. Por unë i dua sikur të ishin të mitë. U dhashë gjithçka, e di çfarë njeriu jam me ta”, vijoi ndër të tjera.
“Fëmijët janë të inatosur me të që i ka bërë publike të gjitha këto [mosmarrëveshjet me Icardin]… Unë kurrë nuk e kam bërë këtë, por nëse ajo dëshiron kështu, do ta bëj edhe unë. Valentino është 14 vjeç tani. dhe vëllezërit shikojnë lajmet, kanë Instagram, shikojnë Youtube… dhe është e dukshme që bëjnë pyetje për të gjitha këto diskutime”.
