Francesco Totti e Noemi Bocchi po bëhen gjithnjë e më shumë të pandashëm.
Dyshja fundjavën që lamë pas udhëtuan jashtë Italisë ku janë fotografuar në Montecarlo, në tribunat e stadiumit Luis II. Çifti i ri kanë ndjekur nga afër ndeshjen mes Monakos dhe Clermontit. Në fotot e bëra publike duket Totti i vëmendshëm duke ndjekur lojën dhe Noemi pranë tij, duke zënë vendin që dikur i përkiste Ilarit.
Më herët pasi u panë në një restorant në Ponte Milvio, dy të dashuruarit morën një avion dhe u nisën për në Pricipato, ku Tottit i pëlqen shpesh të kalojë orë të tëra.
Ndërsa procedurat e divorcit vazhdojnë, kapiteni legjendar i Romës tashmë është duke menduar për të ardhmen. Shtëpia e re në Vigna Clara është pothuajse gati, me dyshen të cilët duket se kanë vendosur ta jetojnë lidhjen e tyre në sytë e të gjithëve.
Ndërkohë më herët kujtojmë që në Itali ka nisur gjyqi mes ish-çiftit për çantat e famshme Ilary që janë zhdukur dhe të fshehura nga Francesco Totti, siç u zbulua në intervistën e 11 shtatorit me Corriere della Sera.
Ish-futbollisti u justifikua duke thënë se ato ishin pengu për Rolexet e vjedhura, sipas tij, nga ish-bashkëshortja dhe babai i saj. Në çdo rast, prezantuesja kërkon kthimin e menjëhershëm të koleksionit ku përfshihen pjesë të Dior, Gucci dhe Channel.
