Në mars, Justin Bieber kishte gjysmën e fytyrës dhe trupit të tij të paralizuar për shkak të sindromës “Ramsay Hunt”. Këngëtari u prek nga kjo sindromë përpara se të niste turneun e tij “Justice World Tour”.
Pas një pauze, Bieber vendosi të rikthehej në skenë dhe ka realizuar 6 shfaqje deri tani.
Megjithatë, pas shfaqjeve ylli i popit e kuptoi që ky rikthim po i shërbente për keq në shëndetin e tij. Menjëherë pas koncertit të tij më të fundit në Brazil, diçka nuk shkoi siç duhej për Bieber dhe ai bëri njoftimin që të gjithë fansat i druheshin.
Siç duket, Justin po lufton edhe një herë me këtë sindromë dhe duhet të ndalojë turneun për t’u kujdesur për shëndetin e tij.
Justice World Tour shtyhet, nuk anulohet
Përmes një deklarate publike, Justin ka ofruar detaje të problemeve me të cilat është përballur edhe gjatë muajve të kaluar.
“Pas zbritjes nga skena, rraskapitja më pushtoi dhe e kuptoj se duhet ta vendos shëndetin tim prioritet tani. Kështu që do të bëj një pushim nga turneu për tani. Do të jem mirë, por më duhet kohë për të pushuar dhe për t’u përmirësuar.”
Problemi është se fansat nuk e pritën mirë këtë vendim. Shumë prej tyre kërkuan kthimin e parave të tyre në vend që t’i mbajnë ato derisa Justin Bieber të mund të rikthehet në skenë.
Për momentin, gjithçka që Justin dëshiron të bëjë është të fokusohet në shëndetin e tij dhe të kalojë kohë me të dashurit e tij. Shfaqjet që ai kishte ende në pritje ishin shumë për t’u numëruar, por vende si Britania e Madhe, Irlanda, Gjermania, Italia, Polonia dhe Holanda janë ndër ato koncerte që janë anuluar.
