Sërish vëmendja tek reperi i njohur Fero! Ai ka postuar një story në Instagram, ku bën me dije se një këngë është publikuar pa lejen e tij. Kënga është një “diss” kundrejt Unikkatil.
Mirëpo, reperi shkruan se ky “diss” nuk duhet të ishte publikuar pasi kapitulli mes tij dhe Unikkatil është mbyllur.
“Kushdo që e ka publikuar atë ‘diss’ marre i qoftë, nuk është dashtë. Se unë vetë nuk e kam publikuar, e pata publiku BMW ka qenë e lehtë. Thosha që najsen, pastaj i lëshoj hiroshimat e tjera. Mbi të gjitha, ju kërkoj faqeve mos me e postu se ai është kapitull që ka kaluar. Mbreti i hiphopit”, shkroi Fero.
Më herët, në rrjet u bë virale një video e reperit teksa ky i fundit shfaqej duke gjuajtur me grushta një person tjetër i cili ndodhej brenda në makinë.
Avokati i Feros shtoi asokohe se personi në makinë kishte vendosur një këngë të Unikkatilit, ku në të shahej dhe ofendohet rëndë reperi Fero.
“Personi brenda veturës ka qenë duke lëshuar një këngë të Unikkatilit, në të cilën reperi Fero shahet dhe ofendohet rëndë dhe mu përmes së saj, ai e ka provokuar Feron, ku ky i fundit nuk e ka duruar presionin dhe ka nisur konfliktin në afekt. Personat që i ka sulmuar as ky nuk i njeh, pasi rasti ka ndodhur pa paramendim, pra nuk ka të bëjë me ndonjë hasmëri”, nënvizoi avokati Halimi.
