Kim Kardashian ka publikuar gjithçka në Instagramin e saj, nga veshjet, ushqime që të ndihmojnë të biesh në peshë deri tek letra higjenike.
Mirëpo një bashkëpunim i fundit për një reklamë të sponsorizuar nga një kompani kriptomonedhash, e ka zhytur atë në një çështje delikate.
Komisioni i Sigurimeve dhe Shkëmbimeve në SHBA ka ngritur akuza mbi yllin televiziv, për reklamimin e paligjshëm të një sigurie kripto dhe për këtë do të paguajë 1.26 milionë dollarë gjobë.
Kim Kardashian ka rënë dakord t’i paguajë më shumë se 1 milion dollarë SEC, Komisionit të Letrave me Vlerë dhe Shkëmbim, për t’i dhënë fund një mosmarrëveshjeje me Consob USA për mosdeklarimin e lekëve që mori për një postim në Instagram që reklamonte një kompani kriptomonedhash.
Postimi, i cili përmbante hashtag “#ad”, përfshinte një lidhje në faqen e internetit EthereumMax, e cila u ofron përdoruesve udhëzime se si të blejnë token. Kardashian, e cila ka asete rreth 2.8 miliardë dollarë, gjithashtu ra dakord të mos promovojë sektorin e kriptomonedhave për tre vjet dhe të bashkëpunojë me hetimin në vazhdim.
SEC në nëntor të 2017 paralajmëroi personazhet e famshëm që kërkojnë të fitojnë para në hapësirën e tyre dixhitale që rregullat e SHBA-së kërkojnë që ata të deklarojnë këto të ardhura.
Që atëherë kjo kompani ka ndjekur një pjesë të personazheve të famshëm, duke përfshirë yllin e filmave aksion, Steven Seagal, producentin muzikor “DJ Khaled” dhe boksierin Floyd Mayweather Jr. për thyerjen e këtij rregulli, por Kardashian është padyshim “peshku më i madh”.
