Ndonëse ka kaluar më shumë se një javë nga dasma e shumë përfolur e Armina Mevlanit dhe Shkëlzen Berishës, jehona e saj akoma nuk është shuar.
Prej ditësh tashmë, edhe vetë blogerja ka ndarë foto nga kjo ceremoni, ndonëse në asnjërën prej tyre nuk duken dy fëmijët e bashkëshortit të saj.
Ky detaj ka tërhequr vazhdimisht vëmendjen e publikut, të cilët janë kurioz nëse edhe ato ishin pjesë e dasmës. Së fundmi ka qarkulluar një foto e Shkëlzenit së bashku me djalin e tij. Babë e bir janë të veshur me kostum dhe nga imazhi duket se është shkrepur para se të niste festa.
Disa ditë më parë gjatë një intervistë virtuale në Instagram edhe Armina u pyet mbi fëmijët e partnerit të saj, ku plotë gojë tregoi se nuk kishte si ato të mungonin në ditën e tyre të lumtur.
“Sigurisht që Po! Kemi një marrëdhënie shumë të mirë, i kam njohur në moshë shumë të vogël. Tani ata janë rritur dhe gëzuan me ne,”-shkruante blogerja.
Kujtojmë që Shkëlzen Berisha ka dy fëmijë, Medinën dhe Lajdonin nga martesa e parë.
Gjatë një puntate të “Goca dhe Gra”, ku Armina është bashkëprezantuese, u diskutua mbi marrëdhënien e me fëmijët e partnerëve. Sigurisht Armina tregoi eksperiencën e saj, duke u shprehur se nuk pretendon të jetë një nënë për to.
“Unë i kam njohur që 9-vjeç.. jo absolutisht, nuk pretendoj më shumë, madje kam marëdhënie shoqërore me të, i jap këshilla, bëjmë qef. S’mund t’i bëhem mama, se mamanë e kanë, absolutisht,”- u shpreh Armina.
