Megjithëse në promon e emisionit “Më Lër të Flas”, ku e ftuar këtë të shtunë është Bora Zemani, nuk kishte pamje konkrete të një puthjeje mes moderatores dhe Donaldit, së fundmi në rrjet po qarkullon një video nga prapaskena.
Në video duken Bora dhe Donaldi në skenë, ku rikriojnë momentin e takimit të tyre në “Big Brother Vip.” Teksa Bora imiton veprimet e Donaldit, duke i gjuajtur me shpulla këtij të fundit, ajo i jep edhe një puthje aktorit… Megjithatë Bora e puth në ballë Donaldin, dhe mbetet për t’u parë nëse gjatë emisionit do të ketë një tjetër puthje në buzë të çiftit.
Kujtojmë se Bora Zemani është e ftuara e binjakëve Veshaj në hapjen e sezonit të ri të “Më Lër të Flas.”
Faqja zyrtare e emisioni publikoi disa fragmente të shkurtara të emisionit që do të transmetohet më 1 tetor.
Në promon e emisionit, Donaldi flet për lidhjen me Bora Zemanin duke shprehur: “Më shumë ziheshim sesa loznim, më shumë ziheshim se sa flisnim. Nuk thonim një fjalë të mirë”, shoqëruar me disa pamje të çiftit.
Më tej Romeo iu drejton atyre pyetjet që ndoshta i kishin të gjithë: “A je penduar që e ke takuar në BBV? Po si e rregulluat raportin?”.
Në video Donaldi shprehet: “Po unë i shkrujata dhe mesazhi i parë kush ka qenë?”, më pas gjithçka vijon me një moment kur Bora bën një tatuazh në dorën e Donaldit, dhe më pas çifti rikrijojnë puthjen e famshme të BBV.
Vetëm pak minuta para publikimit të promos Bora publikoi foton e parë me Donald Veshajn në rrjetet sociale, duke zyratrizuar kështu lidhjen.
Krahas fotos, e shkrepur në studion e Donaldit, Bora shkruan: “Na lini të kërcejmë.” Ndërkohë nuk ka munguar as komenti i aktorit, i cili ka lënë disa emoji në seksionin e komenteve.
Niur nga fakti se fotoja është shkrepur në studion e “Më Lër të Flas” dhe emisioni nis më 1 tetor, kjo lë të kuptohet se moderatorja është e ftuar në programin e vëllezërve Veshaj. Nga ana tjetër mbishkrimi i fotos mund të merret si një konfirmim për Donaldi do të jetë bashkëprezantues me Borën në “DWST.”
