Kanye West të mundohet sa të dojë, Kim Kardashian do të mbetet gjithmonë dashuria e tij më e madhe!
Këtë e ka konfirmuar edhe vetë reperi me anë të një postimi së fundmi. Teksa i shpreh ngushëllimet e tij Britanisë së Madhe për humbjen e Mbretëreshës Elizabeth II, Kanye shkruan se e kupton si ndihen, pasi edhe ai ndodhet në të njëjtën situatë.
“Londër, e di si ndihesh. Edhe unë e kam humbur mbretëreshën time,”- duke iu referuar kështu yllit të “The Kardashians”.
Kjo vjen pasi Kanye West i kërkoi falje publike ish-bashkëshortes së tij, Kim Kardashian, për çdo “stres” që mund t’i ketë shkaktuar pas ndarjes së tyre të bujshme.
“Kjo është nëna e fëmijëve të mi dhe kërkoj falje për çdo stres që kam shkaktuar, qoftë edhe në zhgënjimin tim, sepse Zoti më thërret të jem më i fortë”, tha reperi në një intervistë për “Good Morning America”.
Kujtojmë që prej disa ditësh, West po përflitet për një romancë me modelen Candice Swanepoel. Ndonëse asnjëra nga palët nuk ka deklaruar diçka zyrtare, postimet e tyre në Instagram vetëm sa iu japin zë thashethemeve që ekzistojnë.
Sakaq Kardashian, bëri kërkesë për divorc nga West, në shkurt 2021 pas gati shtatë vitesh martesë. Ish-çifti, i cili u shpallën ligjërisht beqarë në mars të këtij viti. Kanye dhe Kim kanë katër fëmijë: North, 9, Saint, 6, Chicago, 4, dhe Psalm, 3.
