Funerali i Mbretëreshës Elizabeth II, ka bërë bashkë shumë liderë botërorë të cilët do të udhëtojnë drejt Londrës, për t’i shprehur nderimet e fundit monarkes më jetëgjatë britanike.
Mirëpo kur flasim për krerët e shteteve më të fuqishëm në botë, ardhja e tyre në një vend i cili së fundmi është i mbipopulluar, kërkon një siguri të veçantë.
Ndërsa shumica e liderave botëror do të detyrohen të marrin autobusin, Joe Biden do të arrijë me “Bishën” e blinduar.
Bisha, e cila njihet si Cadillac me një vlerë prej 1.5 milionë dollarësh e presidentit amerikan, përmban kamera të teknologjisë së lartë për shikimin natën dhe topa gazi lotsjellës.
Vetëm dyert e tij peshojnë sa ato në një avion Boeing 757.
Për më tepër, makina përmban një sistem të sigurt oksigjeni dhe rezerva me gjakun e vetë Bidenit në gadishmëri për ndonjë situatë emergjente.
Armatura qeramike e automjetit mendohet se shtrihet rreth tetë inç, ndërsa xhamat e saj raportohet të jenë tre inç të trasha.
Në funeralin do të mblidhen mbi 100 mbretër, mbretëresha dhe krerët e shteteve gjatë ditës së sotme (19 shtator).
Si pjesë e planeve, udhëheqësit e tjerë do të hipin në një autobus nga një vend i pazbuluar në perëndim të Londrës, sipas The UK Times.
Për shkak të shqetësimeve të sigurisë, Presidenti Macron i Francës, Presidenti Herzog i Izraelit dhe Perandori Naruhito i Japonisë ndoshta do të përdorin transportin e tyre.
Duke folur për shkallën e sigurisë, profesor Anthony Glees, ekspert u shpreh: “Këto 10 ditë do të jenë operacioni më i madh i policisë dhe sigurisë ndonjëherë që Britania e Madhe është dashur të menaxhojë. Kostoja e gjithçkaje do të jetë së paku 100 milion paund .”
Duke iu referuar sigurisë së Biden-it, eksperti shtoi: “Nuk jam i sigurt se sa nga 193 kombet e botës do të vijnë, qartë jo të gjitha dhe qartë jo Putini.
“Tatimpaguesit amerikan do të financojë mbrojtjen e Bidenit, por GCHQ MI6 dhe MI5 do të jenë të gjithë në detyrë 24/7.
Duke folur për shqetësimet, ai tha: “Ne shqetësohemi se rebelët mund të provojnë diçka, ka edhe xhihadistët për t’u shqetësuar, por unë dyshoj se të gjithë po vëzhgohen nga afër.
“Protestimi se ne jemi monarki duhet të jetë në rregull, por nxitja për të përmbysur demokracinë tonë është me të drejtë një vepër penale,”-përfundoi Glees.
Kujtojmë që Mbretëresha Elizabeth II u nda nga jeta më 8 shtator dhe në vend të saj në fron u ul pasardhësi, sot Mbreti Charles III.
