Lady Gaga ka ndërprerë koncertin e saj të fundit në turneun Chromatica Ball në Florida pas një stuhie të fortë që goditit vendin.
Këngëtarja ishte afër përfundimit të shfaqjes së saj kur rrufetë filluan të godasin rreth stadiumit Hard Rock në Miami.
“Ne thjesht duhet ta ndalim koncertin për një minutë. Qëndroni të qetë teksa lëvizni në zonën e brendshme”, u tha ajo 65.000 njerëzve që ndodheshin në stadium.
Lady Gaga addressing the audience after the announcement of the show’s cancellation. pic.twitter.com/eQM1YTXghw
— Lady Gaga Now 🧠 (@ladygaganownet) September 18, 2022
Edhe pse Lady Gaga kishte shpresuar se stuhia do të kalonte, koncerti përfundimisht u anulua.
Ylli i popit me lot në sy u kërkoi më pas falje fansave në një postim në Instagram.
“Ne vërtet u përpoqëm ta përfundonim koncertin sonte në Miami, por nuk mundëm sepse edhe kur shiu pushoi, rrufeja goditi në tokë aq afër nesh. Unë nuk e di se çfarë do të bëja nëse diçka do t’i ndodhte dikujt në audiencë ose ndonjë anëtari të ekuipazhit tim”, tha ajo, ende e veshur me veshjen e saj skenike dhe duke fshirë shiun nga fytyra e saj.
Më pas këngëtarja mori një buqetë me trëndafila që një fans i kishte hedhur në skenë. Përpara se koncerti të anulohej, fansat u mblodhën nën pjesën e mbuluar të stadiumit dhe kënduan hitin e Gaga-s Rain On Me.
Edhe pse më vonë u kthyen në vendet e tyre, organizatorët vendosën se nuk ishte e sigurt që koncerti të vazhdohej.
Gaga, së cilës i kishin mbetur rreth gjashtë këngë për të interpretuar, u ngjit në skenë për të njoftuar anulimin duke thënë: “Nuk dua t’ju vendos në rrezik jetën. Shkoni në shtëpi të sigurt, Zoti ju bekoftë dhe ju falënderoj që erdhët në shfaqje.”
Fansat thanë se këngëtarja ishte shumë e mërzitur nga anulimi i koncertit.
