Është konfirmuar tashmë që Alaudin Hamiti dhe Jonida Vokishi do të jenë moderatorët e “Bih Brother Vip Kosova.”
Së fundi ata kanë takuar për herë të parë që pas publikimit të lajmit që Jonida do t’i bashkohet Alaudinit në moderimin e “BBV.”
Në një video të postuar në rrjetet sociale ata kanë zbuluar se reality-show në Kosovë do të startojë në muajin tetor dhe jo në muajin shtator siç ishte raportuar. Megjithatë, dy moderatorët kanë preferuar të mos e bëjnë të ditur datën fikse.
Kujtojmë se Arbana Osmani, moderatorja e BBBVIP Albania, nuk ka ngurruar t’i lëjë një koment Jonidës, në postimin e saj në rrjetet sociale për t’i treguar mbështetjen e saj. Krah fotos së Jonidës në Instagram, Arbana shkruan: “Suksese, zemër” teksa i dërgon edhe një përqafim.
Arbana gjithashtu ka dhënë komentin e saj edhe për moderatorin Alaudin Hamiti, i cili ishte i pari që u konfirmua si prezantuesi i “Big Brother Vip Kosova.”
Gjatë një interviste në “n’Za” Alaudini u pyet se cili ishte komenti i prezantueses së formatit në Shqipëri në një nga takimet e përbashkëta të cilat kanë pasur, si përfaqësues të shteteve që kanë liçensën e formatit “Big Brother”. Me doza humori, Alaudini tha i ka thënë “Edhe ju këtu?”. Prezantuesi i njohur zbuloi më pas se Arbana i ka thënë që çdo gjë do të shkojë mirë nëse i përmbahen rregullave të patentës.
