Vdekja e Mbretëreshës Elizabeth ishte ngjarja më e bujshme e ditëve të fundit nëpër botë.
Pas vdekjes së saj, homazhet kanë vërshuar nga e gjithë bota, me rezidencat mbretërore në të gjithë Mbretërinë e Bashkuar të veshura me lule ndërsa turmat u dyndën drejt tyre.
Njerëzit janë bërë kuriozë të dinë ç’do të ndodhë tashmë me xhirimet e serialit “The Crown”, për familjen mbretërore dhe a e pa Mbretëresha?
Në fakt, seriali po përgatitet për xhirimet e sezonit të gjashtë dhe më herët producenti Peter Morgan, ka treguar më herët se nëse Mbretëresha vdes, xhirimet do të ndalojnë për një kohë të pacaktuar. Kjo në shenjë nderimi dhe respekti.
Matt Smith, i cili luajti rolin e Princin=t Philip në vitet e tij të reja, tregoi se në fakt Mbretëresha e ka parë serialin.
“Kam dëgjuar që mbretëresha e kishte parë. Me sa duket, ajo e shihte atë në një projektor të dielën në mbrëmje.”
“Unë e di që Philip nuk e pa. Shoku im u ul pranë tij në një darkë dhe e pyeti. Shoku im tha “Nuk mund të rezistoj. A e ke parë “The Crown”?” Dhe pastaj Filip u kthye dhe i tha: “Mos u bëj qesharak”.- tregoi ai.
