Nga dita në ditë po zbulohen konkurrentë të rinj që do të marrin pjesë në spektaklin e kërcimit “Dancing With the Stars”.
Sot, një tjetër emër jo pak i njohur është bërë publik nga vetë faqja zyrtare e emisionit. Bëhet fjalë për Arbër Çepanin.
“Kërcimi do të jetë investimi i tij më i madh këtë vit. Një biznesmen si Arbri, gati për të përveshur mëngët në #DWTS.”- shkruhet në postim.
View this post on Instagram
Të tjerë konkurrentë të konfirmuar deri tani janë Alban Nimani, Sara Hoxha, Isli Islami, Megi Pojani, Ardit Çuni, Deborah Keçi, Salsano Rrapi dhe Irini Qirjako.
Gjithashtu, “Kryefjala.com” shkruante se tre konkurrentet e radhës janë këngëtaret Elhaida Dani e Julka Gramo si dhe gazetarja e njohur, Elona Duro.
Bora Zemani dihet që do të jetë prezantuese e “Dancing With The Stars”. Mirëpo, tashmë raportohet se edhe Donald Veshaj do të jetë bashkëprezantues në spektaklin e kërcimit.
Sa i takon kryetarit të jurisë, do të jetë koreografi i njohur dhe balerini Kledi Kadiu.
Kledi Kadiu, balerin profesionist, sot mësues i vlerësuar, prej shumë vitesh jeton në shtetin fqinj Itali.
Emisioni do të nisë në muajin Tetor.
