Einxhel Shkira dhe Dj Dagz po bëhen prindër për herë të parë. Ata i surprizuan të gjithë me lajmin e bukur vetëm pak javë më parë, duke marrë urimet e të gjithëve.
Sigurisht nuk mungoi as një festë për zbulimin e gjinisë së fëmijës, ku të dy mësuan se do të bëhen prindër të një djali.
Einxhel nuk rezervohet aspak në rrjete sociale dhe ndjekësit po e shoqërojnë në çdo hap të shtatzënisë. Ajo tregon shpesh nepsin e orëve të vona, apo problemet e tjera si zgjimi shumë herët, siç ka rrëfyer së fundmi.
“Probleme shtatzënie. S’e di ju, por mua më del gjumi çdo ditë në 6-7. Po sigurisht që fle prapë”- shkruan ajo, teksa tregon në video dhomën dhe Dj Dagz të shtrirë pranë saj.
Pss një sezoni të ngarkuar veror të Dj Dagz me koncerte, tashmë çifti po shijon pak kohë për veten. Ata kanë zgjedhur jugun e Shqipërisë dhe kryesisht në Instagram-in e Einxhelit kemi parë momente nga pushimet e tyre.
Shpesh me ndjekësit ajo bën batuta se Dj Dagz është aq i fiksuar me futbollit, sa qëndrojnë gjithë ditën në dhomë.
Madje, me shaka shprehej se nëse do të kishte futboll brenda shtëpisë së “Big Brother VIP Albania”, Dj Dagz do të ishte ende brenda shtëpisë.
