Meghan Markle ka treguar haptazi dashurinë e saj për fansat mbretërorë.
Ajo është parë mjaft e dashur e tepër mikpritëse pas tensioneve që ka patur me familjen mbretërore.
Një vajzë e mitur ka folur për CNN ku ka treguar se ka përqafuar dukeshën.
“Ne thjesht prisnim që ajo të vinte dhe ajo më erdhi pranë. Më pyeti për emrin, si ishte dita ime, sa kisha që po prisja”, theksoi ajo. “E pyeta nëse mund të më jepte një përqafim dhe ajo më përqafoi. Ishte thjesht një moment i mahnitshëm. Unë jam ende duke u dridhur tani.”
“Ishte shumë bukur të shihja William me Kate dhe Meghan me Harry-n së bashku,” vijoi ajo. “Un thjesht doja t’i tregoja asaj se ajo është e mirëpritur këtu dhe doja ta përqafoja pas gjithçkaje që ndodhi.”
Më herët, Dukesha e Sussex-it u ka thënë udhëheqësve të rinj nga e gjithë bota “ju jeni e ardhmja, ju jeni e tashmja” në fjalimin e saj të parë në Mbretërinë e Bashkuar që kur u tërhoq nga titulli mbretëror.
Princi Harry ishte gjithashtu i pranishëm teksa Meghan mbajti një fjalim të shkurtër në ceremoninë e hapjes së samitit “One Young World” në Bridgewater Hall në Mançester.
Pjesëmarrja e tyre në ceremoni ishte paraqitja e tyre e parë publike në Mbretërinë e Bashkuar që nga Jubileu Platinum i Mbretëreshës në qershor.
Meghan u tha udhëheqësve të rinj nga më shumë se 190 vende: “Ju jeni ata që drejtoni ndryshimin pozitiv dhe të nevojshëm në të gjithë globin tani, pikërisht në këtë moment. Dhe për këtë jam shumë mirënjohës që jam në shoqërinë tuaj sot.”
