Pas vdekjes së Mbretëreshës Elizabeth, Princi Charles është shpallur sot zyrtarisht Mbret i Britanisë së Madhe.
Kjo ceremoni po mbahet tani në pallatin St.James në Londër, para Accession Council. Në total, 700 veta mund të qëndronin të ulur në mjediset e brendshme. Në vitin 1952, të pranishëm ishin 200 persona.
Camilla, bashkëshortja prej 17 vitesh e Charles III merr titullin “Gruaja Mbretëreshë”.
Princi Williams tashmë nuk është më Duka i Kembrixhit, por Duka i Uellsit.
Mbreti Charles ka shpallur shtatëmbëdhjetë ditë zie për Mbretëreshën.
Pas vdekjes së Mbretëreshës, Mbreti i ri ka njoftuar se një periudhë zie mbretërore do të mbahet deri në shtatë ditë pas funeralit të Mbretëreshës.
Data e funeralit ende nuk është konfirmuar, por besohet se do të bëhet dhjetë ditë pas vdekjes së Mbretëreshës.
Zia mbretërore do të mbahet nga anëtarët e familjes mbretërore, stafi i familjes mbretërore dhe përfaqësuesit e familjes mbretërore në detyrat zyrtare, së bashku me trupat e angazhuar në detyrat ceremoniale.
Flamujt në të gjitha rezidencat mbretërore u ulën në gjysmështizë pas lajmit dhe do të qëndrojnë ashtu deri në orën 8 të mëngjesit të ditës së fundit të zisë.
Pas vdekjes së saj, homazhet kanë vërshuar nga e gjithë bota, me rezidencat mbretërore në të gjithë Mbretërinë e Bashkuar të veshura me lule ndërsa turmat u dyndën drejt tyre.
