8 shtatori është Dita Ndërkombëtare e Shkrim/ Leximit.
UNESCO e shënoi si Ditë Ndërkombëtare në vitin 1966, me qëllim promovimin e rëndësisë së arsimimit të fëmijëve dhe të rriturve.
“Pink Movement” ka dërguar një mesazh në redaksinë e “Iconstyle.al”, ku na raporton se së bashku me këngëtaren e njohur Dafina Zeqiri kanë dhuruar një bibliotekë për fëmijët e një kopshti publik në Berat.
Ndërkohë, vetë këngëtarja e njohur ka publikuar një video në rrjetin social “Instagram”, ku ndër të tjera shkruan se “edukimi dhe dashuria për librin i ndryshojnë jetën një fëmijë, një njeriu”.
Postimi i plotë i Dafinës:
8 Shtator : Dita Ndërkombëtare e shkrim-leximit
Sot në bashkëpunim me Pink Movement @pink.movement , krijuam një bibliotekë me përralla në një nga kopshtet e qytetit të Beratit për vogëlushët që do të fillojnë vitin e ri shkollor.
Përralla të reja, libra me figura dhe tinguj që të edukojmë tek ta dëshirën për të lexuar sa më shumë🤗
Sot eshte dita nderkombetare e shkrim-leximit, e cila ka për qëllim të nxjerrë në pah rëndësinë e leximit për individët, komunitetet dhe shoqëritë.
Prandaj ja ku po e japim mesazhin tonë📚
Edukimi dhe dashuria për librin i ndryshojnë jetën një fëmijë, një njeriu!
Vogëlush, t’i gëzoni librat e rinj!
Sa më shumë suksese këtë vit shkollor.
Të lexoni, të edukoheni dhe të bëheni njerëz të mirë❤️
Vajzat e edukuara janë vajza që dinë të mbrojnë të drejtat e tyre!
Djem të edukuar janë djem që dinë të respektojnë të drejtat e vajzave!
Le të promovojmë vlerat e duhura🤗✏️
