Aktori i famshëm Nicolas Cage ka mirëpritur fëmijën e tij të parë me partneren Riko Shibata.
58-vjeçari dhe 27-vjeçarja u bënë prindër të një vajze dhe vendosën ta pagëzojnë me emrin August Francesca Coppola Cage. Riko e solli në jetë të bijën të Mërkurën, më 7 Shtator, në Los Angeles.
Sipas burimeve pranë tyre, mamaja dhe bebushja janë në gjendje të mirë shëndetësore.
Foshnja është fëmija i parë i Cage me Riko Shibata-n. Ai është gjithashtu baba i dy fëmijëve nga marrëdhëniet e mëparshme, Kal-El 16 vjeç dhe Weston 31 vjeç.
Në fakt, aktori kishte plane të tjera për emrin e bebushes së tij në muajin Prill, ku ishte në një intervistë në ‘Kelly Clarkson Show”.
Cage kishte treguar se duke qenë se kënga e tij e preferuar kishte qenë “Across the Universe” nga Beatles, emrin të bijës do t’ia vendoste Lennon Augie, gjithashtu në nder të babai të tij August Coppola, që vdiq në vitin 2009.
Madje, aktori tregonte i emocionuar se ia kishte gjetur të bijës edhe emrin shkurt; Do ta thërriste Lenny.
Megjithatë duket se aktori nuk ishte konsultuar dhe aq mirë me gruan e tij, ndaj emri ndryshoi. Kujtojmë se Riko Shibata është gruaja e pestë e aktorit Nicolas Cage.
