Inida Gjatën e njohim të gjithë si Zhaku. Ajo është larguar prej kohësh nga Shqipëria dhe nuk ka qenë prezente në ekran prej vitesh, mirëpo ka vazhduar të jetë aktive në rrjete sociale.
Së fundmi, Zhaku na dha të gjithëve një lajm të bukur. Ajo u bë nënë për herë të parë, duke sjellë në jetë një djalë.
I vogli është pagëzuar me emrin Amon, ndërsa kuptimin ia ka shpjeguar vetë ajo në emisionin “Rudina”.
“Amon është emër i vjetër i përdorur në Egjiptin e lashtë dhe përfaqësonte djalin, njeriun e popullit.”- ka treguar ajo.
Si e sheh veten si një nënë e re?
“I jam dedikuar plotësisht mëmësisë dhe jam bërë 100% një shtëpiake krenare. Madje Christian-i u habit, kur unë me shumë krenari thosha në spital jam shumë krenare që jam shtëpiake. Eshtë shumë shumë bukur, shumë e pabesueshme, akoma nuk e besoj që ka dalë nga unë ai fëmijë.”
Më herët, Zhaku ka ka rrëfyer për largimin e saj drejt Gjermanisë në momentet më të vështira të jetës së saj, kur vuante nga depresioni.
“Ishte një vendim në fakt që erdhi pasi pata një lloj krize, një lloj depresioni, largimin nuk e kisha kaq të bujshëm se e kam shoqëruar edhe me daljen tek Çani me këngën ‘’Censura’’ dhe gjithnjë me bujë, ika me bujë, erdha me bujë. Më bëri mirë largimi, bëri mirë Christian që më mori. Po mos të kishte qenë për Christian-in nuk do të kisha shkuar në Gjermani asnjëherë besoj, si refugjate. Edhe pse isha 31 vjeç, nuk mund të shkosh vetëm, është ndryshe kur mikpritesh atje si zonja Kreuz dhe ndryshe kur shkon si hallexhi.”
