Goku, Cell, Frieza, Majin Buu, Gohan, Vegeta, Master Roshi dhe Shenron janë të gjithë këtu, për bashkëpunimin më të ri të SWATCH me Dragon Ball Z.
Nëse jeni fansa të anime-ve, jeni në vendin e duhur! Është koha të zbuloni koleksionin fantastik të Swatch, që ju mundëson të shfrenoni imagjinatën dhe të ndiheni sërish fëmijë.
Shtatë modele orësh SWATCH x Dragon Ball Z, koleksion ‘Limited Edition‘ që do të duhet të nxitoni për ta bërë tuajin.
Edhe nëse nuk e keni ndjekur ndonjëherë “Dragon Ball Z”, me siguri keni dëgjuar që personazhet më të famshëm në botën e serialeve anime- Gokun dhe miqtë e tij- që luftojnë së bashku për të mbrojtur Tokën.
Swatch kërkon gjithmonë që orët të kenë plot kujtime e kuptim, ndaj kësaj here na mundëson një botë lozonjare dhe me ngjyra, si ajo e fëmijërisë.
Orët kanë dy versione të të njëjtit karakter në faqen e tyre të përparme dhe të pasme. Emri i secilit personazh është i shkruar në anglisht në rripin e hollë që bashkon dy pjesët kur ora është në kyç, dhe japonisht në pjesën e pasme. Gjithashtu rripi tjetër mban emrin e Dragon Ball. Një punim i kuruar deri në detaje!
GOKU
Goku është ‘shpirti’ i serive të “Dragon Ball Z”. Si një nga Saiyan-ët e fundit, ai është mbrojtësi kryesor i Tokës kundër kërcënimeve ndërgalaktike. Ora portokalli dhe e zezë BIG BOLD
merr frymëzim nga veshjet e Gokut.
CELL (Qeliza)
Qeliza është forma artificiale e jetës e krijuar nga Dr. Gelo, ish-shkencëtar i Ushtrisë Red Ribbon, për hakmarrje ndaj Gokut. Jeshile e ndezur dhe e zezë, ora BIG BOLD të jep pamjen e një qelize. Pjesa e poshtme e rripit të orës identifikon bishtin vdekjeprurës të CELL.
FRIEZA
Personazhi negativ që angazhon Gokun dhe shokët e tij në beteja, ku Goku shndërrohet në një Super Saiyan.
Dy detaje të Friezës janë kapur në orë, e bardhë dhe vjollcë në pjesën e përparme të orës dhe vija rozë e njëjtë me vijat që i duken atij në lëkurë. Po ashtu, ngjyra e kuqe e orës identifikon sytë e tij.
KAMESENNIN
Ai është një mjeshtër i arteve marciale dhe shpikës i teknikës famëkeqe Kamehameha, i cili shihet shpesh me shokun e tij, breshkë deti që flet. Ora NEW GENT merr frymëzim nga syzet e njohura të diellit të Master Roshit, ndërsa rripi i pasmë pasqyron këmishën e tij Aloha.
GOHAN
Ai është djali i Gokut, i lindur në Tokë. Hibridi i parë Saiyan-njerëzor. Ora NEW GENT përmban energjinë e rrufesë “Kamehameha” ‘KA-ME-HA-ME-HAAAA’, printuar në xham. Rripi i orës ka elementë të veshjes dhe flokëve të Gohan.
VEGETA
Ai është princi i racës Saiyan që dikur ishte mizor dhe i keq, por pas luftimit me Gokun, u kthye në anën e tij. Ora identifikon paraqitjen e parë të Vegeta-s pikërisht në momentin kur kuptoi fuqinë e Gokut. E zeza e bardha pranë sfondit të kuq përfaqësojnë lentet Scouter që ai përdor.
Për të gjithë të interesuarit, monobrandin SWATCH e gjeni në Qendrën Tregtare Metropol në rrugën “Sami Frashëri” dhe në TEG.
Gjithashtu të gjitha koleksionet e Swatch mund t’i ndiqni online në faqen e Facebook “Swatch Albania” dhe në Instagram, “By Best Watches”.
